Matonya adai kuibiwa ‘Zilizipendwa’ na WCB

 Msanii wa Bongo Flava, Matonya ameelezwa kushangazwa na WCB kutoa wimbo ‘Zilipendwa’ jina ambalo ameshalitumia katika ngoma yake.

 Kupitia mtandao wa Instagram Matonya ametoa pongezi kwa kile kilichofanyika ila hajapendezwa na kitendo cha kutokupewa taarifa hadi ngoma hiyo kutoka kwani ana haki zake katika jina hilo.

Nduguzangu wasafi / Nawapongeza sana kwa kazi mzuri mnazo zifanya / Nilifurahi Sana mlichokifanya kwa saida karoli dadaetu/ mlimuita mkamshirikisha akawapa Baraka zake/ kwangu mlishindwa nini? Sina shida Ya Pesa nina shida Ya heshima cose najua dunia ni mapito/ kama mimi naibiwa haki yangu vipi wasanii wachanga? Basata mkowapi? Wadau Wa muziki mkowapi? Usipo ziba ufa tajenga kuta!! Khaaa tena Bila woga lakini haki itafata mkondo wake.

Hapo jana wasanii wote wa WCB yaani Diamond Platnumz, Rayvanny, Rich Mavoko, Queen Darleen, Lava Lava, Harmonize na Maromboso aliungana kwa pamoja na kutoa wimbo ‘Zilipendwa’ ambao kwa sasa umekuwa gumzo kila kona.

Tembo Avamia Kijiji......Aua Mtu Mmoja Kwa Kumkanyaga na Kujeruhi Mwingine

Kijana Emmanuel Ernest wa kitongoji cha Ilolo, Mvumi Misheni wilaya ya Chamwino Mkoani Dodoma, amefariki dunia baada ya kukanyagwa na tembo huku mwingine akijeruhiwa vibaya baada ya tembo huyo kuvamia mashamba ya zabibu.

Mashuhuda wa tukio hilo wamesema tembo huyo alikuwa akitafuta maji majira ya alfajiri hivyo baadhi ya wanakijiji baada ya kumuona walikusanyika na kupiga mayowe, kitendo kilichomfanya mnyama huyo kukasirika na kuanza kuwafukuza kabla ya kumkuta marehemu Emanuel akiwa na mdogo wake wakichimba mitaro ya mizabibu na kumkanyaga kifuani na kumvunja mbavu nne na kusababisha kifo chake.

Kaimu Mganga Mfawidhi wa Hospitali ya Mvumi Misheni, Peter Songoro, amethibitisha kupokea majeruhi wawili, akiwemo marehemu na mdogo wake Amani Joseph ambaye alikanyagwa mgongoni na kisha utumbo kutoka nje, kabla ya Emmanuel kufariki baadaye wakati akipatiwa matibabu.

Masau Bwire anunuliwa maji na mashabiki wa Simba

 Pamoja na majigambo yake, mashabiki wa Simba waliamua kumnunulia maji Msemaji wa Ruvu Shooting, Masau Bwire ili kumpoza machungu.

Simba imeitwanga Ruvu Shooting kwa mabao 7-0 katika mechi ya kwanza ya Ligi Kuu Bara ikiwa ni siku chache baada ya mwalimu huyo kitaaluma ambaye ni msemaji wa timu hiyo ya jeshi kusema Simba ni toy au mwanasesere.

Mashabiki hao waliamua kumnunulia Masau maji ya kunywa na kumpelekea kwenye gari la wachezaji wa timu ya Ruvu.

Kabla ya hapo, wengi waliamua kupiga naye picha wakimvisha kofia za Simba na wengine wakimshangilia.

Floyd Mayweather amtwanga McGregor kwa TKO

Mayweather kulia akimtwanga sumbwi la ushindi McGregor kwenye raundi ya 10 ya pambano.

 Bondia maarufu zaidi duniani, Floyd Mayweather ameendeleza ubabe kwenye mchezo huo kwa kumtwanga Knock Out  bingwa wa UFC Conor McGregor kwenye mchezo wa ubingwa.



Katika raundi ya kwanza na ya pili, McGregor alionekana kumzidi Mayweather huku refa akamuonya kutokana na aina ya upigaji wake ambapo alionekana kumpiga Mayweather chini ya kichwa.
Baada ya raundi ya 3 na ya 4 kuisha McGregor alionekana kuchoka na raundi zilizobakia zote alidundwa  mpaka ilipofikia raundi ya 10 alipopigwa TKO zikiwa zimesalia raundi mbili kumalizika kwa pambano.
Ushindi wa leo wa Mayweather umeweka rekodi nzuri kwake ambapo mpaka sasa anakuwa amecheza mapambano 50 ya mashindano bila kupigwa huku akishinda kwa TKO mechi 26.
Baada ya mchezo huo Floyd amewashukuru mashabiki wake kwa kusema amewapa kile walichokuwa wakisubiria kwa muda mrefu na kutangaza kustaafu rasmi.

Lipuli ilivyoikazia Yanga na Tshishimbi akiwemo

Leo Agosti 27, ilipigwa Mechi ya ufunguzi wa Ligi kuu kati ya Yanga na Lipuli FC katika uwanja wa uhuru jijini Dar es salaam huku mabingwa wa tetezi wa ligi kuu Tanzania bara wakilazimisha sare ya goli 1-1 katika kipindi cha kwanza cha mchezo.

Yanga ambao ni mabingwa watetezi walionekana kushindwa kuonyesha mbwembwe zao dhidi ya Lipuli ambao ndio kwanza wamerudi katika ligi kuu baada ya kupotea kwa kushuka daraja miaka kadhaa iliyopita.

Katika mchezo huo kinara wa Lipuli Seif Abdallah aliing'arisha timu yake kwa kuipatia Goli la kwanza dakika 44 kabla ya Donald Ngoma hajasawazisha goli hilo dakika ya 46 lilodumu mpaka mwisho wa mchezo.

Akizungumza baada ya mchezo huo Seif Abdallah amesema "Nina furaha sana kufunga goli langu la kwanza baada ya kurudi kwenye ligi kuu. Huu ni muendelezo wa rekodi yangu kila ninapokutana na Yanga" 

Pamoja na hayo Lipuli wamepata doa baada ya kucheza pungufu dakika za majeruhui baada ya Nahodha wa timu hiyo Asante Kwasi kutolewa nje kwa kadi nyekundu kutokana na maamuzi yaliyotolewa na refa qwa mchezo.

Kuhusu msimamo wa raundi ya kwanza Simba SC wanaongoza kwa magoli 7 na pointi 3 nafasi ya 1 huku watani zao yanga wakiwa nafasi ya 9, pointi 1 na goli 1.

Pambano la Mayweather na McGregor

 eo ndio leo ukweli utabainika kuwa nani mkali kati ya Mayweather na McGregor, Hili sio pambano la kukosa Muungwana Blog Tumekuwekea muda wa pambano, Kwa Tanzania itakuwa ni saa 12 alfajiri..

 

Simba SC yatoa dozi ya wiki kwa Ruvu Shooting,Okwi atupia nne

SIMBA SC imeanza Ligi Kuu ya Vodacom Tanzania Bara na moto mkali, baada ya kuichapa mabao 7-0 Ruvu Shooting jioni ya leo Uwanja wa Uhuru, Dar es Salaam.

Mshambuliaji Mganda, Emmanuel Arnold Okwi ameonyesha msimu huu amedhamiria kurudi kivingine katika Ligi Kuu, baada ya kufunga mabao manne na kuseti moja katika ushindi huo mnono.

Mabao mengine ya Wekundu wa Msimbazi, walio chini ya kocha Mcameroon, Joseph Marius Omog anayesaidiwa na Mganda, Jackson Mayanja yamefungwa na Shiza Ramadhani Kichuya, Juma Luizio Ndanda na Erasto Edward Nyoni.

Okwi alifungua sherehe za mabao dakika ya 18 akimchambua kipa Bidii Hussein baada ya pasi ya Muzamil Yassin na bao la pili akafunga dakika ya 22 baada ya kuwachambua mabeki ndani ya boksi kufuatia pasi ya kiungo Mnyarwanda, Haruna Niyonzima.

Okwi akakamilisha hat trick yake dakika ya 35 baada ya pasi nzuri ya Muzamil tena kabla ya kusaidia kupatikana kwa bao la nne.

Okwi aliwatoka wachezaji wa Ruvu Shoting hadi karibu na boksi na kumpasia beki Erasto Nyoni pembeni kushoto, aliyetia krosi iliyosindikizwa nyavuni na winga machachari, Shiza Kichuya kuipatia Simba bao la nne dakika ya 42.

Mshambuliaji wa zamani wa Zesco United ya Zambia, Juma Luizio Ndanda akaifungia Simba bao la tano dakika ya 44 akimalizia krosi ya Nyoni, kabla ya Okwi kufunga bao lake la nne leo na la sita katika mchezo dakika ya 52 kwa kichwa akimalizia krosi ya kiungo Saidi Hamisi Ndemla.

Beki aliye katika msimu wake wa kwanza Simba SC baada ya kusajiliwa kutoka Azam FC, Erasto Edward Nyoni akakamilisha shangwe za mabao za Wekundu wa Msimbazi kwa kufunga la saba dakika ya 81.

Matokeo ya mechi nyingine za Ligi Kuu katika siku ya kwanza ya ufunguzi leo ni; Mwadui imeshinda 2-1 dhidi ya Singida United Uwanja wa Mwadui Complex, Shinyanga, Mtibwa Sugar wameilaza 1-0 Stand United Uwanja wa Manungu, Turiani, Morogoro na Azam FC imeshinda 1-0 ugenini dhidi ya wenyeji, Ndanda FC Uwanja wa Nangwanda Sijaona, Mtwara.

Ligi Kuu inatarajiwa kuendelea kesho kwa mchezo kati ya mabingwa watetezi, Yanga SC kuikaribisha Lipuli ya Iringa Uwanja wa Uhuru.

Kikosi cha Simba SC kilikuwa; Aishi Manula, Ally Shomary, Erasto Nyoni, Method Mwanjali/Juuko Murshid dk65, Salim Mbonde, James Kotei, Shiza Kichuya, Muzamil Yassin/Said Ndemla dk46, Juma Luizio, Emmanuel Okwi na Haruna Niyonzima/Mohammed ‘Mo’ Ibrahim dk43.

Ruvu Shooting; Bidii Abdallah, Said Madega/Amani George dk50, Yussuf Ngunya, Shaibu Nayopa, Mangasini Mbonosi, Baraka Mtui, Chande Magoja, Shaaban Msala, Ishara Said, Jamal Mtegeta na Khamis Mcha ‘Vialli’/Said Dilunga dk46.
 

RAIS MAGUFULI ATEMBELEA KIGAMBONI LEO,AJICHANGANYA NA WANANCHI KWENYE PANTONI

Hiki ndicho chanzo cha ugonjwa wa Bulaya

 Dar es Salaam. Wakati Mbunge wa Bunda Ester Bulaya akitarajia kufanyiwa kipimo cha CT Scan katika Hospitali ya Taifa Muhimbili (MNH), chanzo cha ugonjwa unamsumbua kimetajwa.

Bulaya ambaye alipata tatizo la kupumua baada ya kuzidiwa akiwa mahabusu ya Kituo Kikuu cha Polisi mjini Tarime, alifikishwa hospitalini hapo juzi usiku na kulazwa katika wodi namba 18, Sewahaji.

Akizungumza na Mwananchi jana, Mbunge wa Kawe Halima Mdee alisema chanzo cha Bulaya kuugua ghafla ni athari aliyoipata baada ya kukamatwa na polisi.

“Walipomkamata walimpakia kwenye gari na kupita katika barabara yenye vumbi jingi wakati wakielekea Tarime na yeye ana matatizo ya kifua na hata selo waliyomuweka haikuwa rafiki,” alisema Mdee.

Hata hivyo, alifafanua kuwa baada ya kuzidiwa ilichukua muda mrefu kufikishwa hospitalini.

Alisema baada ya kuonekana anahitaji huduma ya dharura na rufaa hakupewa nafasi hiyo kwa wakati.

“Hali ilikuwa mbaya na kama angeendelea kubaki kule tulikuwa tunampoteza, tunashukuru madaktari wamempokea vizuri na leo (jana) amekuja mtaalamu wa kifua, amemhudumia vizuri,” alisema Mdee.

Lowassa amtembelea wodini

Kwa siku ya jana wabunge mbalimbali walikuwa wakimtembelea mbunge huyo kiasi cha ulinzi kuimarishwa huku baadhi ya wafuasi wa Chadema wakizuiliwa kuingia katika wodi aliyolazwa mbunge huyo.

Lakini, alipofika aliyekuwa mgombea wa kiti cha urais wa mwaka 2015 kupitia Umoja wa Katiba ya Wananchi (Ukawa), Edward Lowassa aliingia wodini na kuonana na mbunge huyo ambaye kwa siku ya jana afya yake ilikuwa imeimarika.

Hata hivyo, Lowassa aliyetumia dakika 20 kusalimiana na mbunge huyo, alimpa pole na baadaye aliondoka na hakutaka kuzungumza chochote.

Akizungumza kwa tabu, Bulaya alisema, “Nashukuru Mungu sasa afya yangu imeimarika, ninaendelea vizuri.”

Baba wa mbunge huyo, Paul Bulaya alisema mwanaye ameonekana na matatizo ya nyama za pua hivyo anasubiri matibabu hayo pia.

“Tangu amekuja mpaka sasa hivi hali yake inaendelea vizuri, amefanyiwa vipimo mbalimbali vya kifua na maeneo ambayo madaktari wanahitaji uchunguzi kinachosubiriwa sasa ni kipimo cha CT Scan,” alisema Mzee Bulaya.

Akizungumzia hali ya mbunge huyo, Ofisa Uhusiano wa Muhimbili, John Stephen alisema Bulaya amepata ahueni kiafya na anaendelea vizuri na matibabu.

“Sasa ameanza kujihudumia mwenyewe, anakula vizuri na bado anaendelea na matibabu,” alisema Stephen huku akisisitiza kuwa mgonjwa bado anahitaji utulivu kwa kipindi hiki.

Bulaya alisota rumande tangu akamatwe Ijumaa ya Agosti 18 kwa madai ya kuingia Jimbo la Tarime na kufanya shughuli za kisiasa pamoja na kutoa msaada wa mifuko 50 ya saruji kwa ajili ya ujenzi wa miundombinu katika shule za msingi.

Mbunge huyo alikwenda jimboni humo baada ya kualikwa na mbunge mwenzake Ester Matiko.

Haji Manara: Niliwaambia hamkusikia

Baadhi ya viongozi wa Simba wakiwa furaha zilizojaa furaha baada ya kuchukua ubingwa wao.

Afisa habari wa Mabingwa wa Ngao ya Jamii, Simba SC, Haji Manara amefunguka kwa kuwapiga dongo watani wao Yanga kwa kuwaambia ametimiza yale aliyowaahidi ya kuwafunga mabao matano bila ya kujalisha aina ipi ya ufungaji.

Manara ameeleza hayo kupitia ukurasa wake wa Instagram ulipomalizika mtanange wa kukata na shoka na hatimaye timu ya Simba kuibuka washindi kwa mikwaju ya penati 5-4 baada ya kumaliza dakika 90 za mchezo kwa sare ya bila ya kufungana.

"Niliwaambia tutawafunga 'khamsa' haijalishi kwa vipi. Haya nendeni mkalale sasa", aliandika Manara.

Baadhi ya viongozi wa Simba wakiwa furaha zilizojaa furaha baada ya kuchukua ubingwa wao.
Kutokana na ushindi huo walioupata timu ya wekundu Msimbazi ni ishara tosha ya kuwajuza wadau na wapenda soka kutambua kwamba msimu mpya wa ligi kuu Tanzania Bara umeshaanza kwa mwaka 2017/2018.

Katika hatua nyingine, Nahodha wa Mabingwa wa Ligi Kuu Tanzania Bara Yanga, Haroub Cannavaro amewapongeza vijana wake kwa kuonyesha mchezo mzuri pamoja na wapinzani wao Simba kwa kuchukua kombe hilo huku akiwapiga dongo kwa kudai matuta ni mchezo wa kubahatisha.

Kwa upande mwingine, msimu mpya wa Ligi Kuu Tanzania Bara kwa mwaka 2017/2018 unatarajiwa kuanza Agosti 26 mwaka huu siku ya Jumamosi kwa kuwakutanisha Simba na Ruvu Shooting, Azam FC kucheza na Ndanda FC huku siku ya Jumapili Agosti 27 nayo Yanga itacheza na Lipuli FC

AJALI: Daladala imegonga Treni asubuhi hii mjini Morogoro

 WANAFUNZI wawili  wamefariki dunia nawengine29 kujeruhiwa  kufuatia ajali mbaya ya basi la abiria aina ya Coaster lililobeba wanafunzi na raia kugonga treni katika eneo la TANESCO, Morogoro Mjini.

Taarifa za awali zimeeleza kuwa ajali hiyo imetokea leo alfajiri ambapo Coaster lilikuwa limebeba wanafunzi wengi wa Shule ya Sekondari ya Kayenzi waliokuwa wakienda shuleni pamoja na raia wachache lilipokatiza kwenye njia ya treni na kuligonga.

Imeelezwa pia kuwa treni liliibuiruza Coaster hiyo kwa umbali wa mita 30 kabla ya kusimama hivyo kusababisha vifo hivyo na majeruhi.

Simba ilivyotwaa Ubingwa wa Ngao ya Hisani vs Yanga leo

 umatano ya August 23 mchezo wa ngao ya hisani wa watani ya jadi kati ya Simba dhidi ya Yanga ulichezwa uwanja wa Taifa, huo ni mchezo amba0 unaashiria ufunguzi wa Ligi Kuu ya Vodacom msimu wa 2017/2018, Ligi ambayo itaanza weekend hii.


Mchezo kati ya Simba na Yanga huo ulikuwa ni mchezo wenye ushindani mkubwa, hususani kipindi hiki timu hizo zikiwa zinakutana wakati huu baada ya kukamilisha usajili wa vikosi vyao, ugumu wa mchezo huo huo na presha ya mashabiki uliifanya game hiyo dakika 90 imalizike kwa sare 0-0.

Baada ya dakika 90 kumalizika kwa 0-0 muamuzi wa kati Ely Sasii aliitisha mikwaju ya penati na Simba kufanikiwa kushinda kwa mikwaju ya penati 5-4, huku nahodha wao msaidizi Mohammed Hussein “Tshabalala” akikosa penati na Juma Mahadhi na Kelvin Yondani wakikosa penati kwa upande wa Yanga.
Ushindi huo wa leo wa Simba dhidi ya Yanga katika mchezo wa Ngao ya Hisani unakuwa ni Ubingwa wao wa tatu wa Hisani toka ilipoanzishwa mwaka 2001 wakati  Yanga wao wamechuku mara tano, Simba walichukua Ngao hiyo 2011 kwa kuifunga Yanga 2-0 na 2012 kwa kuifunga Azam FC 3-2.

Sumaye Afunguka Maneno MAZITO Kuhusu Sakata la Serikali Kuchukua Mashamba Yake

 

 

Waziri  Mkuu mstaafu, Fredrick Sumaye amevunja ukimya na kusema  kwamba watawala wanaendesha nchi  kwa visasi ndiyo maana tangu ahame Chama Cha Mapinduzi (CCM) na kujiunga na Chama cha Demokrasia na Maendeleo (Chadema)amezidi kuandamwa  ikiwamo kunyang’anywa mashamba anayoyamiliki kihalali.

 

Sumaye ambaye kwa sasa ni  Mwenyekiti wa Kanda ya Pwani  Chadema, amesema tangu ajiunge na upinzani amekuwa akikumbana na vikwazo vingi, ikiwamo kudhauliwa pamoja na  kuporwa mashamba yake kwa kisingizio kwamba ameshindwa kuyaendeleza.

 

Amemtuhumu Waziri wa Ardhi, Nyumba na Maendeleo ya Makazi, William Lukuvi kwamba anajua ukweli kuhusu mashamba yake lakini hataki kuusema kwa kuwa ametumwa na mkubwa wake.

 

Ametaja mashamba aliyoporwa kuwa ni lile la Mvomero mkoani Morogoro na lililopo Mabwepande katika  wilaya ya Kinondoni jijini Dar es Salaam, ambayo yote serikali imefuta hati za umiliki wake.

 

Amesema shamba la Mvomero linamilikiwa na mke wake Ester Sumaye ambalo lina ukubwa wa hekari 326, na kwamba huko alikuwa anafuga ng’ombe zaidi ya 200, kondoo 300, ghala la kuhifadhia chakula, trekta na nyumba mbili za kudumu.

 

Sumaye akizungumza na waandishi wa habari leo katika  ofisi za makao makuu kanda ya Pwani  (Chadema) , amesema mgogoro  huo ulianza mara baada tu ya yeye kuhamia upinzani.

 

Amesema muda wote aliokuwa ndani ya CCM,  hakuwahi kuwa na mgogoro wowote na serikali wala kusumbuliwa kuhusu mali zake yakiwamo mashamba.

 

“ Mara baada tu ya mimi kuhama wapo viongozi waliodiriki kusema huyu Sumaye dawa yake ni kumfilisi kwa kumnyang’anya mashamba, kama moja ya kunikomoa tu, hivyo ni dhahiri kuwa ni uadui kati ya serikali na mimi kwa sababu ya kuhamia upinzani.” amesema Sumaye.

 

“Mashamba hayo wanadai wameamua kuninyang’anywa kwa kuwa siyalipii kodi na kutoendelezwa hivyo yanatakiwa kuchukuliwa na kuwagawia wananchi kitu ambacho si weli kwani shughuli za kilimo katika mashamba hayo zilikuwa zikiendelea kama kawaida.”

 

Sumaye amemtaka, Lukuvi kutumia nafasi yake vizuri kwani kwa kuendeleza uadui wa  kisiasa hakuwezi kulisaidia taifa badala yake kutazidi kukandamiza demokrasia hapa nchini.

 

Sumaye ameionya serikali ya awamu ya tano na kuitaka iache  kulipa visasi kwa wapinzani na kuwatahadharisha  watawala kwamba dhambi itawatafuna kwani wapo viongozi wengine wa CCM wana mali nyingi na mahoteli makubwa kuliko shamba lake lakini hawaguswi.

Hali ya Bulaya bado si nzuri

 Dar es Salaam. Hali ya Mbunge wa Bunda Ester Bulaya aliyelazwa katika Hospitali ya Taifa Muhimbili (MNH ) imeelezwa kuwa bado ni tete.

Hali hiyo ni kufuatia tatizo la kupumua alilolipata baada ya kuzidiwa akiwa mahabusu ya Kituo cha Kati cha Polisi mjini Tarime.

Mwananchi lilifika katika wodi namba 18 Sewahaji alipolazwa mbunge huyo, lakini lilishindwa kuwasiliana naye kutokana na hali yake.

Hata hivyo wauguzi wa wodi hiyo hawakutaka kuruhusu mtu yeyote kuingia katika chumba alicholazwa Bulaya.

Mbunge wa Kawe, Halima Mdee anayemuuguza kwa sasa hospitalini hapo, jana aliliambia Mwananchi kuwa haiwezekani mtu yeyote kuingia katika chumba hicho kwa sasa.

"Hapana hali yake si nzuri kwa sasa hawezi kuingia yeyote huku tafadhali, labda tuombe Mungu kesho hali yake ikiimarika mnaingia," alisema Halima Mdee huku akitoka katika chumba namba 4 alicholazwa mbunge huyo.

Akizungumza Ofisa Uhusiano wa Muhimbili, John Stephen amesema Bulaya alifikishwa hospitalini hapo jana saa tano usiku akitokea Hospitali ya Rufaa mkoa wa Mara.

"Tulimpokea jana usiku na alipatiwa matibabu hali yake kwa sasa yupo vizuri kwani ameshaanza kupatiwa vipimo mbalimbali," amesema Stephen.

Mbunge huyo alianza kujitambua  tangu alipofika hospitalini baada ya kuzidiwa akiwa mahabusu ya Kituo cha  Kati cha Polisi mjini Tarime.

Bulaya amesota rumande tangu akamatwe Ijumaa ya Agosti 18 kwa madai ya kuingia jimbo la Tarime na kufanya shughuli za kisiasa kwa kutoa msaada wa mifuko 50 ya saruji kwa ajili ya ujenzi wa miundombinu katika shule za msingi jimboni humo baada ya kualikwa na mbunge mwenzake Ester Matiko.

Wakati Bulaya akikamatwa na kusota mahabusu kwa kushiriki shughuli za maendeleo na kusalimia wananchi kwenye jimbo la uchaguzi lisilo lake, matukio ya wabunge wa majimbo kuwaalika wenzao kusaidia juhudi za maendeleo na kusalimia wananchi katika mikutano ya hadhara yameshuhudiwa sehemu mbalimbali nchini.

Mwananchi:

Alichojibu Polepole baada ya kuambiwa viatu vya Nape vinampwaya

Kupitia kwenye account yake ya twitter Katibu wa Itikadi na Uenezi wa Chama Cha Mapinduzi ‘CCM’ Humphrey Polepole ametoa majibu kwa Mbunge wa Iringa Mjini Mchungaji Peter Msigwa akimwambia kuwa hatokuwa tena Mbunge baada ya Awamu hii.
Hatua hiyo ya Polepole imekuja baada ya kuambiwa na Mbunge Msigwa kuwa viatu vya Nape havimtoshi kupitia twitter ambapo aliandika>>>”Kitendo cha Msukuma kumkumbuka Nape , ni ujumbe tosha Kuwa Viatu vya Nape vinampwaya POLEPOLE!”

 





Baada ya ujumbe huo naye Polepole kupitia twitter aliandika>>>”Kitu kimoja nakuahidi, hii ni term yako ya mwisho, tunakurudisha kufanya kazi ya Uchungaji maana naona mchungaji anajichanganya na mbuzi.”

 

Yanga yatua Dar

 Kikosi cha Yanga kimetua jijini Dar es Salaam tayari kwa ajili ya mechi ya kesho dhidi ya Simba.

Mechi hiyo ya Ngao ya Jamii inasubiriwa kwa hamu kubwa na mashabiki wa soka nchini.

Yanga ilikuwa kambini mjini Pemba kujiandaa na mechi hiyo na msimu mpya wa 2017-18.

Hata hivyo, Yanga wamekuwa wakifanya siri sehemu waliyofikia kwa ajili ya kambi ya mwisho kwa ajili ya mechi hiy

MAZOEZI YA MWISHO YA SIMBA KABLA YA KUIVAA YANGA KESHO, HAYA HAPA

Simba imefanya mazoezi yake ya mwisho leo kwenye Uwanja wa Boko Veterani jijini Dar es Salaam.

Hayo yanakuwa ni mazoezi ya mwisho kabla ya Simba kushuka Uwanjani kesho kuivaa Yanga ambao ni mabingwa wa Tanzania Bara.

Mechi hiyo ni ya Ngao ya Jamii na inachezwa kwenye Uwanja wa Taifa jijini Dar es Salaam.

Kabla ya hapo, Simba ilikuwa kambini mjini Ungu

Serikali yapiga ‘stop’ usajili wa NGO’s

Serikali imetangaza usitishaji wa usajili wa mashirika yasiyo ya kiserikali (NGO’s) kuanzia Agosti 21 hadi Novemba 30, mwaka huu ili kufanya uhakiki wa NGO’s zilizosajiliwa.

\



Hatua hiyo imetangazwa jana na Katibu Mkuu, Wizara ya Afya Maendeleo ya Jamii, Jinsia, Wazee na Watoto anayeshughulikia Maendeleo ya Jamii, Sihaba Nkinga, kwenye mkutano wake na waandishi wa habari.
“Napenda pia kuujulisha umma kuwa kuanzia Agosti 21, 2017 hadi Novemba 30, 2017 usajili wa NGO’S mpya utasimamishwa, ili kutoa fursa kwa wataalamu kuchakata taarifa kutoka kwenye vituo vingine kuhakiki NGO’s zilizosajiliwa,”amesema Nkinga.
Bw. Nkinga amesema baada ya uhakiki huo unaotarajia kufanyika nchi nzima kukamilika, NGO’s zote ambazo hazitakuwa zimefanyiwa uhakiki zitafutwa kwenye Rejista na hazitaruhusiwa kuendesha shughuli zao nchini.
“Wakati tunaendelea na zoezi la uhakiki tutafanya tathmini ya mwenendo wa uhakiki katika kanda zote nchini na hatimaye kutoa uamuzi stahiki, ili kuhakikisha kuwa zoezi hili linafanikiwa na wadau wetu wanahudumiwa kwa ufanisi mkubwa,”amesema Nkinga huku akiwakumbusha wahusika wa NGO’s kuwasilisha vyeti vyao vya usajili mapema kwa njia ya mtandao.
“Niwakumbushe pia, kuwa ni vema kuzingatia kuwa wakati wa uhakiki kila NGO’s inatakiwa kuwasilisha cheti halisi cha usajili na nakala ya cheti hicho, NGO-Fomu/UHK/2017 iliyojazwa vizuri. Fomu hii inapatikana katika tovuti ya uratibu wa NGOs kwa anuani ya www.tnnc.go.tz, stakabadhi za malipo ya ada ya mwaka au hati ya malipo benki toka kusajiliwa kwa shirika, Barua kutoka kwa ofisa maendeleo ya jamii (Mkoa/ wilaya/halmashauri au Manispaa) ikithibitisha uwapo wa ofisi ya shirika na nakala ya katiba ya NGO iliyothibitishwa na msajili wa NGOs,” amesema Nkinga.
Kwa upande mwingine Mwenyekiti wa Baraza la Mashirika yasiyo ya Kiserikali nchini Tanzania, Nicholaus Zacharia, amewatoa hofu wamiliki wa mashirika hayo na kuwataka kila mmoja kushiriki katika uhakiki huo.
“Sisi kama viongozi wenu tumejilidhisha serikali haina mpango wowote mbaya na Azaki zetu, hivyo mtu atakayekwambia usishiriki katika uhakiki anakutakia uende jehanamu,”amesema Zacharia.
Hata hivyo, Zacharia ameiomba serikali kuona ni jinsi gani inaweza kuanzisha bodi itakayokuwa inasimamia mashirika hayo tofauti na baraza hilo ambalo limekuwa likidumu kwa miaka mitatu.

Tundu Lissu kahojiwa kwa tuhuma za makosa mawili leo

Mwanasheria Mkuu wa CHADEMA na Mbunge wa Singida Mashariki Tundu Lissu ambaye alikamatwa na Polisi mapema leo wakati anatoka Mahakamani, amehojiwa na Polisi kwa tuhuma za kufanya makosa mawili.
Msemaji wa CHADEMA, Tumaini Makene amesema, Tundu Lissu alihojiwa na Polisi kuhusiana na makosa mawili ambayo ni;
1. Kumkashifu Rais.
2. Uchochezi kuhusu kuzuiliwa na kushikiliwa kwa Ndege ya Serikali ya Bombardier.
Tundu Lissu anadaiwa kufanya makosa hayo kwenye mkutano na waandishi wa habari uliofanyika Ijumaa iliyopita, August 18, 2017.
Aidha, Makene amesema, Lissu ambaye ni Mnadhimu wa Kambi Rasmi ya Upinzani Bungeni, amekataa kutoa maelezo yoyote Polisi, akitumia haki yake ya kisheria kuwa mtuhumiwa ana haki, kisheria, kutaja jina na anuani yake tu anapokuwa anashikiliwa na Polisi hadi atakapofikishwa Mahakamani ambako ndiko atataoa maelezo kujibu mashtaka anayotuhumiwa nayo.
Lissu amesema yuko tayari kujibu mashtaka yake Mahakamani ambapo akiwa Polisi amepata msaada wa kisheria kutoka kwa Wakili Faraji Mangula, amb

WFP yawaenzi wahudumu wa misaada ya kiutu duniani

Wakati dunia ikishikamana Jumamosi Agosti 19 kuadhimisha siku ya usaidizi wa kiutu duniani mkurugenzi mkuu wa shirika la Umoja wa Mataifa la mpango wa chakula WFP anaenzi mchango wa wahudumu wa kibinadamu kote ulimwenguni wakiwemo wafanyakazi wa WFP.
David Beasley amesema kila kona ya dunia wafanyakazi wa WFP wanafanya kazi usiku na mchana bila kuchoka kuhakikisha watoto na familia zao , wanaoteseka na kusambaratishwa na machafuko na vita wanapata mlo.
Amepongeza ujasiri wao na jitihada zao za kuwa msitari wa mbele kukabiliana na njaa hata wakati wa madhila, huku mara nyingi wakiwa katika hatari na wengine wamepoteza maisha yao.
Leo amewaenzi baadhi yao wakiwemo wahudumu watatu waliokuwa wakifanya kazi na WFP, Daniel James, Ecsa Tearp na Ali Elario, ambao waliuawa kwa kupigwa risasi mwezi aprili mjini Wau, nchini Sudan Kusini walikokuwa wakisambaza msaada wa chakula.

BREAKING: Mbunge wa Bunda Mjini Ester Bulaya amekamatwa na Polisi

Taarifa zilizonifikia kutoka Bunda katika Mkoa wa Mara zinasema kuwa Mbunge wa Bunda Mjini Ester Bulaya amekamatwa na Jeshi la Polisi Mara kwa agizo la Mkuu wa Wilaya Tarime Glorious Luoga.
 tunaendelea kufuatilia na kinachoendelea ili kupata taarifa zaidi…

WANACHAMA SIMBA KUENDELEA KULISHWA ELIMU YA MABADILIKO LEO

 SEMINA za kuwaelimisha wanachama wa Simba juu ya mabadilko ya mfumo wa uendeshwaji wa klabu hiyo zinatarajiwa kuendelea Jumamosi.
Mkuu wa Idara ya Habari na Mawasiliano wa Simba, Simba Hajji Sunday Manara amesema kwamba leo ni zamu ya wanachama wa wilaya za Ubungo, Kinondoni na Ilala ambao watakutana jengo la Ngawaiya liliopo Argentina, Manzese.
"Kwa wasiolifahamju jengo hilo ni kwamba lipo upande wa kushoto kama unaelekea Ubungo, katika barabara kuu ya Morogoro,"amesema. 
Manara amesema kwamba semina hizo zina lengo la kuwajengea uelewa mpana zaidi juu ya muundo mpya wa klabu, uliotokana na mabadiliko makubwa ya katiba yaliyofanywa na wanachama hao. 


Semina hiyo ya tarehe 19-8-2017, itaanza saa tisa alasiri kwenye jengo la Ngawaiya liliopo Manzese Argentina upande wa kushoto kama unaelekea Ubungo,katika Barabara kuu ya Morogoro,". 
Amesema pia Siku ya Jumapili kuanzia Saa 2:00 asubuhi, klabu itafanya Mkutano mkuu maalum wenye lengo hilo, ili taratibu za kuingia kwenye muundo mpya zianze kufanya kazi. 
"Mkutano huu muhimu na wa kihistoria, utafanyika pale pale tulipofanyia Mkutano mkuu wa kawaida wiki iliopita, Mwalimu Nyerere International Conference Centre uliopo maeneo ya Ocean road hapa jijini Dar es Salaam,". 
"Tunawaomba wana Simba popote walipo waje kuweka historia hii muhimu, historia itakayofanywa muandikwe kwa wino wa dhahabu, Historia ya kuitoa klabu ilipo na kuipeleka mbele zaid, kiuchumi, kibiashara, kimafanikio ya uwanjani, na pia kuwa klabu ya kwanza nchini kuingia katika muundo huu,unaokusudia kuifanya Simba iwe moja ya klabu bora kabisa Afrika.". 
"Niwaambie maandalizi ya Mkutano wa Jumapili ni kabambe na kila kitu kimekaa sawa, pengine kuliko Mkutano wa wiki iliopita," amesema.

Rais wa TFF atoaneno kwa mara ya kwanza

Rais wa Shirikisho la Mpira wa Miguu Tanzania (TFF), Wallace Karia ametoa shukrani zake za dhati kwa wajumbe wote wa Mkutano Mkuu kwa kumpa dhamana ya kuliongoza soka la Tanzania.



Karia pia amewataka wale wote waliyokuwa wakiwania nafasi mbali mbali za uongozi ndani ya shirikisho hilo ambao kura zao hazikutosha katika uchaguzi bado mawazo yao yanahitajika na kushirikiana kwa pamoja  kuhakikisha mchezo wa soka unakwenda mbele.
Kiongozi huyo wa ngazi za juu ndani ya Shirikisho lenye dhamana ya kusimamia mchezo wa mpira wa miguu nchini amewapongeza pia viongozi wenzake waliyofanikiwa kushinda na kuwaomba kushirikiana kwa pamoja wakati huo huo akiwashukuru wadau, Serikali na taasisi zake bila ya kuvisahau vyombo vya habari kwa ushirikiano wao katika kufanikisha zoezi la uchaguzi kwenda salama hadi mwisho.
 

Serikali yamjibu Lissu kuhusu ujio wa Bombadier

Serikali kupitia kwa Kaimu Mkurugenzi Mkuu Idara ya Habari, Zamaradi Kawawa ,imejibu madai yalitolewa jana na Mwanasheria Mkuu wa Chadema, Tundu Lissu kuwa ndege ya Tanzania, Bombadier kuwa imeshikiliwa nchini Canada kutokana na serikali kudaiwa.





Soma taarifa kamili:
Mnamo tarehe 18 Agosti, 2017 siku ya Ijumaa, kuna taarifa zimetolewa kwenye vyombo vya habari kwamba kuna mgogoro wa utekelezaji wa ununuzi wa Ndege ya tatu inayonunuliwa na Serikali ya Jamhuri ya Muungano wa Tanzania kutoka kampuni ya Bombadier ya Nchini Canada.
Taarifa hiyo iliendelea kudai kwamba kuna wanasheria wa Kampuni fulani ya Nchini Italia, walioweka zuio la ununuzi wa Ndege hiyo kwa maelezo kwamba, wanakamata mali hiyo ya Serikali kwa kuwa kuna Kampuni inayodai Serikali ya Tanzania.
Ofisi ya Mkurugenzi Mkuu wa Idara ya Habari na Msemaji Mkuu wa Serikali inapenda kuufahamisha Umma kuwa mgogoro huo upo ila kimsingi ni mgogoro ambao umetengenezwa na Watanzania wenzetu ambao kwa bahati mbaya sana wameweka maslahi ya kisiasa na ya binafsi mbele zaidi ya maslahi ya Taifa.
Mambo Muhimu ambayo Umma Ufahamu
Ndege zinazonunuliwa ikiwepo hii ambayo imetengenezewa Mgizengwe na hao Watanzania wenzetu sio ya Rais Magufuli bali ni za watanzania wote.
Hawa baadhi ya viongozi wa kiasiasa wanaoshabikia migogoro inayokumba jitihada za Rais wetu, za kutuletea maendeleo, hawana Uzalendo.
Serikali imesikitishwa sana tena sana kwa hujuma zinazofanywa waziwazi tena kwa ushabiki wa hali ya juu na baadhi ya viongozi wa kisiasa wa chama hicho, kupingana na mwelekeo mzuri wa Mhe. Rais kutuletea maendeleo
Kwa mtu yeyote mwenye uchungu na Nchi yake,angepambana ili jambo linalohusu maslahi ya Taifa, likiwepo la kununua Ndege, lisikwame na kama kuna mkwamo basi ashilirki kukwamua badala ya kushabikia.
Serikali pia ina fununu kwamba watu hawahawa wanaohujumu jitihada za kimaendeleo, pia wanahujumu hata hali ya usalama wa raia wetu kwenye baadhi ya maeneo ya Nchi yetu. Hili nalo linaendelea kufanyiwa kazi kwa kina.Wanaopinga mambo ya Maendeleo hawapingani na Mhe. Magufuli bali wanapingana na Watanzania wote kwa ujumla.
Hivyo basi ni vyema Watanzania mkaelewa ukweli wa hali halisi na mkapuuzia mambo ambayo yanashabikiwa na baadhi ya viongozi hao wa kisiasa wanaotafuta umaarufu rahisi (Cheap Popularity). Endeleeni kumuombea Rais wetu na Tanzania kwa Ujumla kwani Chini ya Uongozi wake, amedhamiria kwamba hakuna kurudi nyuma (no reverse gear).
Serikali ilikuwa inawahisi baadhi ya wanasiasa kuhusika na hujuma hizi na sasa sio hisia tena bali baadhi yao wameshaanza kujitokeza hadharani.
Hatua za Kuchukuliwa/Zianzochukuliwa:
Kuhusiana na Mgogoro kwenye ununuzi wa Ndege, hatua za Kidiplomasia na za kisheria zimeanza kuchukuliwa ili kumaliza jambo hili. Aidha kwa wale wanaoshabikia na kutengneza migogoro na hujuma mbalimbali dhidi ya maendeleo ya Nchi yetu, Serikali itaendelea na taratibu za kiuchunguzi na haitasita kuchukua hatua za kisheria zinazostahili.
Serikali inatumia pia fursa hii kuwaomba Watanzania wasiwe na wasiwasi wala tashwishi kuhusu mpango wa Ndege kununuliwa na kwamba waendelee kuiamini Serikali yao iliyopo madarakani inayoongozwa na Mhe. Dkt. John Pombe Magufuli. Uzalendo wetu uwe ndio mtaji mkubwa kuliko siasa, dini au ukabila.
Serikali ilikuwa na fununu kwamba kuna viongozi wa baadhi ya Vyama vya Siasa ambao kwa namna moja au nyingine wangependa kuhujumu jitihada za Mhe. Dkt. John Pombe Magufuli kwa jitihada zake za kuwaletea Watanzania (hasa wanyonge) maendeleo.
Wanasheria hao waliokwenda kufungua madai kwamba Serikali yetu inadaiwa na kwamba Ndege hiyo ishikiliwe, hawana uhalali wowote wa kufanya hivyo na ni matapeli tu ambao wamesukumwa na baadhi ya viongozi wa kisiasa wasioitakia mema Nchi yetu.
Kwa kuwa Serkali ilishapata fununu kwamba kuna baadhi ya viongozi wa chama cha siasa wana mpango huo, sasa watu hao wamejidhihirisha hadharani kwamba wao ndio wako nyuma ya pazia la kuhujumu jitihada za Serikali ya Awamu ya Tano kwa maslahi yao ya kisiasa.
Serikali ya awamu ya Tano Inawahakikishiwa Watanzania kwamba Ndege itakuja. Wanaokwamisha jitihada za Serikali za kuleta ndege watapanda na ndugu zao watapanda na wafuasi wao watapanda .
Serikali ya awamu ya Tano inayoongozwa na Mhe. Dkt John Pombe Magufuli haibagui watanzania kwa itikadi za Kisiasa, Dini, Kabila, rangi au utofauti wowote.
Kundi hilo la baadhi ya Viongozi wa siasa walishatoa maelezo ya kuvuruga au kukejeli jitihada za Serikali. Mambo ambayo wanasiasa hao walishayakingia kifua ni pamoja na;
Kushawishi wafadhili wasilete misaada tena Tanzania.Watu hawahawa walishawahi kuomba kwamba Washirika wetu wa Maendeleo wasilete tena misaada Tanzania.
Tunachojiuliza kama Serikali, hivi misaada isipoletwa anayekomolewa ni Rais Magufuli? Au ni Watanzania wanyonge ambao wangekosa madawa, Huduma za Maji, Umeme, n.k.
Jambo la kutia faraja ni kwamba pamoja na jitihada za hali ya juu za watu hao, Washirika wa Maendeleo sasa wameongeza kasi ya ushirikiano na Serikali inayoongozwa na Mhe. Dkt. John Pombe Magufuli. Mifano ya wazi ya hivi Karibuni ni tamko la Serikali ya Marekani kupitia Balozi wake kwamba Marekani itaogeza kiasi cha Misaada Tanzania, Ziara ya Tajiri Masuhuri Duniani Bill Gate ambaye pia ameonyesha kuguswa na kasi ya uongozi wa Mhe. Magufuli na kuahidi kutoa fedha zaidi, Ujio wa Viongozi wakuu wa Nchi 15 ndani ya muda ambao Mhe. Magufuli amekuwa Madarakani na mambo mengine mengi.
Kubeza Juhudi za Mhe. Rais Dkt. John Pombe Magufuli; Imekuwa ni hulka ya hao baadhi ya viongozi wa siasa kufanya kila jitihada za kubeza jitihada za dhati ambazo Mhe. Rais anafanya kuwaletea Wananchi Maendeleo tena hata bila kujali kwamba eneo husika linaongozwa na Kiongozi wa Chama gani. Hata tukio ka Kihistoria lililofanyika hivi karibuni Jijini Tanga, la kuweka jiwela msingi Ujenzi wa Bomba la Mafuta, Mhe. Rais alionyesha dhahiri kutobagua hata maeneo yale ambayo hayaongozwi na CCM. Tulitegemea huu uzalendo wa Mhe. Rais Ungeungwa mkono na watanzania wote.
Kubeza jitihada za Kunusuru madini yetu na Maliasili. Mhe. Rais Magufuli anafanya jitihada za dhati kabisa kunusuru mali asili zetu na ndio maana akasimamia kwa uadilifu, uaminifu na uwajibikaji suala zima la Makinikia. Hii ilimfanya hata Rais wa Kampuni ya Barick kukodisha Ndege kuja kumuona Mhe. Rais, na tunaamini jitihada hizi zitazaa matunda. Lakini baadhi ya viongozi haohao wa siasa wamekuwa mstari wa Mbele kupingana na jitihada hizi kwamba tutashitakiwa kwa hiyo bora tuache makinikia yapelekwe tukiendelea na majadiliano.
IMETOLEWA NA
Idara ya Habari (MAELEZO)
19/08/2017.

Aliyefanikisha kukamatwa ‘Malkia wa Pembe za Ndovu’ kauawa kwa risasi DSM

 Mpelelezi kinara aliyefanikisha kukamatwa kwa Yang Feng Glan maarufu kama ‘Malkia wa Meno ya Tembo’ Wayne Lotter ameuawa kwa risasi na watu wasiojulikana.



Taarifa iliyochapishwa na mtandao wa The Guardian imesema kuwa Wayne Lotter, 51, alipigwa risasi Jumatano jioni katika maeneo ya Masaki, Dar es Salaam wakati akitokea Uwanja wa Ndege wa Kimataifa wa Julius Nyerere ambapo taxi alilopanda lilisimamishwa na gari lingine kabla ya watu wawili kutelemka na kumpiga risasi.



Lotter alikuwa Mkurugenzi na mwanzilishi-mwenza wa PAMS Foundation, Shirika lisilo la Kiserikali ambalo linajihusisha na masuala ya kupinga Ujangili ambalo lilianza shughuli zake Tanzania mwaka 2009 na mara kadhaa amekuwa akipokea vitisho vya kifo.

 

Japan yapeleka mtambo wa kutibua makombora Hiroshima

Japan imepeleka mtambo wa kutibua makombora magharibi mwa taifa hilo kufuatia tishio la Korea Kaskazini kwamba itarusha kombora la masafa marefu katika kisiwa cha Guam nchini Marekani.

Mtambo huo kwa Jina PAC3 (Patriot Advanced Capability-3) umepelekwa katika eneo la shimane, Hiroshima na Kochi ambapo Pyongyang inasema kombora lake litapaa kabla ya kuanguka katika maji ya Guam.

Jeshi la kulinda baharini la Japan limeripotiwa kutuma mtambo wa kutibua makombora katika bahari ya Japan likiwa na mfumo wa kufuatilia makombora ya masafa marefu.

Alichozungumza Uhuru kuhusu Odinga baada ya kutangazwa mshindi

Muda mfupi baada ya kutangazwa mshinda na Tume Huru ya Uchaguzi na Mipaka katika Uchaguzi Mkuu wa Kenya uliofanyika Jumanne August 8, 2017 kwa kupata kura 8,203,290 dhidi ya kura 6,762,224 za Raila Odinga, Uhuru Kenyatta amempongeza mpinzani wake huyo.
Kenyatta ambaye anarudi kwenye uongozi kwa muhula wa pili amempongeza mgombea Raila Odinga akisema katika kila mashindano lazima apatikane mshindi na aliyeshindwa huku akisisitiza umoja ili kuijenga Kenya huku akiahidi kuwahudumia Wakenya wote waliomchagua na wasiomchagua.

Kikongwe wa miaka 91 kahitimu Shahada ya kwanza, Thailand

Usemi kwamba ‘Elimu haina mwisho’ umedhihirika baada ya ajuza wa miaka 91 Kimlan Jinakul kuhitimu masomo yake ya Shahada katika Chuo cha Sukhothai Thammathirat, Thailand baada ya kuihangaikia kwa miaka 10.
Taarifa zinaeleza kuwa Kimlan Jinakul alikuwa anatamani kusoma na kufika elimu ya juu tangu akiwa mtoto lakini hakufanikiwa ambapo hata baada ya kuolewa na kuwa na familia aliamua kusomesha watoto wake kwanza hadi ngazi ya Chuo Kikuu na baada ya wao kuhitimu ndipo alipoamua naye kujiunga pia Chuo Kikuu.
Watoto wake wanne kati ya watano wana Shahada za Uzamili na mmoja amefanikiwa kupata PhD nchini Marekani.
Kimlan alikuwa na umri wa miaka 72 alipojiunga Chuo Kikuu lakini kufuatia kifo cha moja wa mabinti zake aliacha masomo kwa miaka kadha kabla ya kujiunga tena na Chuo akiwa na miaka 85 ili kuendelea na masomo.

Trump: Jeshi la Marekani liko tayari kuikabili Korea Kaskazini

Rais wa Marekani Donald Trump amesema jeshi la Marekani liko tayari kukabiliana na Korea Kaskazini wakati wowote ule.

"Suluhu ya kijeshi sasa ipo, imepangwa na iko tayari, Korea Kaskazini wakidhubutu kuchukua hatua isiyo ya busara. Twatumai Kim Jong-un atachagua njia nyingine!" Trump ameandika kwenye Twitter.
Amesema hayo huku Korea Kaskazini ikimtuhumu kwa kukaribia kutumbukiza rasi ya Korea katika vita vya nyuklia.
Pyongyang inakamilisha kuandaa mpango wake wa kurusha makombora karibu na kisiwa cha Marekani cha Guam.
Idara ya mambo ya nje katika kisiwa hicho katika bahari ya Pasifiki imetoa mwongozo Ijumaa pamoja na ushauri kwa wakazi wa kisiwa hicho kuhusu jinsi ya kujiandaa kukiwa na tishio la makombora


Idara hiyo imewaonya raia wake wajiepushe kutazama mwanga kutoka kwa kombora kwani unaweza "kupofusha".
"Lala sakafuni na ukinge kichwa chako. Iwapo mlipuko utakuwa umbali kiasi kutoka ulipo, inaweza kuchukua sekunde 30 au zaidi kwa wimbi la mlipuko wenyewe kukufikia."
Bw Trump ameandika hivyo kwenye Twitter baada ya kutishia mapema wiki hii kupitia Twitter kwamba "Korea Kaskazini wasidhubutu kutoa vitisho zaidi kwa Marekani. Watajibiwa kwa moto na ghadhabu ambayo ulimwengu haujawahi kushuhudia."
Aidha, Ijumaa, shirika rasmi la habari la Korea Kaskazini KCNA liliituhumu Marekani kwa "jaribio la kihalifu la kusababisha mkasa wa kinyuklia katika taifa hilo la rasi ya Korea."
Shirika hilo lilisema Marekani inafanya kila juhudi kufanyia majaribio silaha zake za nyuklia katika rasi ya Korea.
Marekani ndiyo "mpanga njama ya tishio hili la nyuklia, mraibu wa vita vya nyuklia," taarifa ya KCNA imesema.


Awali, alikuwa ameitahadharisha Korea Kaskazini kwamba inafaa kuwa na "wasiwasi sana" iwapo itatenda lolote kwa Marekani.
Alisema utawala wa taifa hilo utakuwa shida kubwa "ambayo ni mataifa machache sana yaliyowahi kukumbana nayo" iwapo "hawatabadilika".
Kadhalika Bw Trump alikuwa awali ameshutumu serikali za awali za Marekani akisema zilionyesha udhaifu sana zikikabiliana na Korea Kaskazini na pia akashutumu mshirika wa karibu wa Korea Kaskazini, akisema kwamba inafaa "kufanya juhudi zaidi."
Alisema: "Nawaambia, iwapo Korea Kaskazini itafanya jambo lolote hata kwa kufikiria tu kuhusu kumshambulia mtu tunayempenda au tunayewakilisha au washirika wetu au sisi wenyewe inaweza kuwa na wasiwasi sana, sana."
"Nitawaambia ni kwa nini...ni kwa sabbau mambo yatawatendekea ambayo hawajawahi kufikirtia kwamba yanaweza kutokea."
Hata hivyo, aliongeza kwamba Marekani bado iko huru kushiriki katika mashauriano.
Aliongeza: "Nawaambia hivi, Korea Kaskazini inafaa kujiweka sawa au wataona shida kubwa kiasi ambacho ni nchi chache sana zilizowahi kushuhudia."



Korea Kaskazini ilisema Jumatano kwamba inapanga kurusha makombora ya masafa wa wastani na ya masafa marefu kuelekea kisiwa cha Guam, ambapo kuna kambi ya ndege za kivita za kuangusha mabomu za Marekani.
Hata hivyo, kufikia sasa hakujakuwa na dalili zozote kwamba huenda kisiwa hicho cha Guam kikashambuliwa.

Kisiwa cha Guam na umuhimu wake

• Kisiwa cha Guam kina ukubwa wa kilomita mraba 541 (maili mraba 209) na kinapatikana bahari ya Pasifiki kati ya Ufilipino na Hawaii.
• Ni jimbo "lisilo na mpangilio wowote, na lisilojumuishwa kikamilifu" la Marekani, lenye wakazi karibu 163,000.
• Kambi za jeshi la Marekani hutumia karibu robo ya ardhi ya kisiwa hicho. Marekani ina wanajeshi 6,000 kisiwa hicho na kuna mipango ya kuwasafirisha maelfu wengine huko.
• Ni kituo muhimu katika shughuli za kijeshi za Marekani, ambapo huwezesha wanajeshi wa nchi hiyo kufika maeneo mengi muhimu Pasifiki, mfano eneo la bahari linalozozaniwa la South China Sea, rasi ya Korea na mlango wa bahari wa Taiwan.

Bw Trump alikuwa amewaambia wanahabari Jumanne kwamba: "Korea Kaskazini wasidhubutu kutoa vitisho zaidi kwa Marekani. Watajibiwa kwa moto na ghadhabu ambayo ulimwengu haujawahi kushuhudia."
Seneta mkongwe wa Marekani John McCain hata hivyo alikuwa na shaka kuhusu tamko la Trump.
"Viongozi wengi wakuu ambao nimewahi kuwaona, huwa hawatoi vitisho ikiwa hawako tayari kuvitekeleza na sina uhakika kwamba Rais Trump yuko tayari kuchukua hatua," alisema Bw McCain.

Korea Kaskazini ilikuwa imeghadhabishwa na vikwazo vipya ilivyowekewa na Umoja wa Mataifa siku ya Jumamosi.
Vikwazo hivyo vina lengo la kupunguza mapato kutoka kwa mauzo ya bidhaa nje ya Korea Kaskazini kwa theluthi moja.
KCNA imesema Korea Kaskazini, ambayo imefanyia majaribio silaha za nyuklia mara tano, itajibu vikali na kwamba "Marekani italipia" kwa kuchangia kutunga vikwazo hivyo.
Waziri mkuu wa Australia Malcolm Turnbull amesema taifa lake liko tayari kushiriki katika vita dhidi ya Korea Kaskazini iwapo nchi hiyo ya rasi ya Korea itatekeleza shambulio dhidi ya Marekani.
"Iwapo kutakuwa na shambulio dhidi ya Marekani, Mkataba wa Anzus wa mwaka 1951 utaanza kutekelezwa na Australia itajitokeza kuisaidia Marekani," alisema kwenye mahojiano na kituo kimoja cha redio, "vile vile ambavyo Marekani ingefika kutusaidia iwapo tutashambuliwa."

Rais Magufuli amefanya uteuzi huu leo Agosti 11, 2017

 

simba mmemsikia Masau Bwire?

RUVU Shooting ya mkoani hapa, imesema kikosi cha Simba kilichocheza na Rayon Sports ya Rwanda, Jumanne wiki hii, hakina uwezo wa kuwafunga katika mechi yao ya ufunguzi wa Ligi Kuu Bara Agosti 26, mwaka huu.

Katika Tamasha la Simba Day, Simba iliifunga Rayon bao 1-0 kwenye mchezo wa kirafiki uliopigwa kwenye Uwanja wa Taifa jijini Dar es Salaam.

Akizungumza na Championi Ijumaa, Ofisa Habari wa Ruvu Shooting, Masau Bwire alisema kama kuna mashabiki wanakiona kikosi cha Simba ni kizuri, basi wamepotea kwani wao wanakiona cha kawaida kisichoweza kuwasumbua.

Bwire ametamba kuwa wataishushia kipigo kikali Simba watakapokutana kwenye mchezo wa ufunguzi wa ligi kuu itakayoanza Agosti 26, mwaka huu.

Mchezo wa Yanga na Ruvu Shooting wahamia Chamazi

 Mchezo wa kirafiki baina ya mabingwa wa kihistoria wa Ligi Kuu soka Tanzania Bara klabu ya Dar es salaam Young Africans dhidi ya Ruvu Shooting iliyopangwa kuchezwa kesho Uwanja wa Taifa sasa utapigwa kwenye uwanja wa Azam Complex Chamazi.


Katibu Mkuu wa Yanga, Charles Boniface Mkwasa amesema kuwa mchezo huo umehamishiwa Chamazi kutokana na Uwanja wa Taifa  kutarajiwa kutumika katika shukhuli za kiserikali siku ya Jumamosi

Baada ya mchezo wa kirafiki dhidi ya Ruvu Shooting timu hiyo inatarajia kwenda Visiwani Zanzibar kwaajili ya kuweka kambi yake kabla ya kukutana na Simba katika mchezo wa Ngao ya Jamii Agosti 23 mwaka huu.
Viingilio vya mchezo huo sasa vitakuwa Sh7,000 kwa VIP na Sh5,000 mzunguko

SIMBA KUMENYANA NA MTIBWA SUGAR UWANJA WA TAIFA JUMAPILI

SIMBA SPORTS CLUB

DAR ES SALAAM

11-08-2017

              TAARIFA KWA UMMA

Klabu ya Soka ya Simba Jumapili hii ya tarehe 13-8-2017,saa kumi alasiri itashuka kwenye Uwanja mkuu wa Taifa hapa jijini kucheza na Klabu ya Mtibwa Sugar ya Morogoro kwenye mchezo wa kirafiki. 

Mchezo huo ni muhimu kwa pande zote mbili kujiandaa na Ligi kuu ya Vodacom inayotarajiwa kuanza mwishoni mwa mwezi huu. 

Simba pia tutautumia mchezo huo kuiwinda klabu ya Yanga, ambayo tutacheza nayo August 23 mwaka huu, kwenye mchezo wa kugombea Ngao ya hisani. 

Baada ya mchezo dhidi ya Wakata miwa hao,Simba inatarajiwa kuelekea Zanzibar kwa ajili ya mawindo hayo muhimu. 

IMETOLEWA NA... 

HAJI S. MANARA

MKUU WA HABARI SIMBA SC