Juma Nyoso alianza kunishambulia kabla ya huyo shabiki – Haji Manara

fisa habari wa klabu ya Simba, Haji Manara kupitia ukurasa wake wa kijamii wa Instagram amesema kuwa lau angekosa uvumilivu basi angekuwa tayari amegombana na mchezaji wa klabu ya Kagera Sugar, Juma Nyoso hapo jana mara baada ya kumalizika kwa mchezo wao kufuatia mchezaji huyo kumsukuma pasipo sababu.

Lau ningekuwa mjinga ningeanza kugombana mm na huyu mchezaji asiyejitambua..kanisukuma bila sababu baada ya game ila nikaona nikichachamaa washabiki wetu wangeweza kumdhuru..uzuri wake niliwaambia Kocha wake Mecky Maxime na nahodha Juma kaseja kabla ya kwenda kumdhuru huyo mshabiki…Nyoso mm sijatoka Buhelelo…Wahangaishe maforeigners mjini….huo undava na uselamavi mm nshavuka huko @official_juma_kaseja #meckymexime

Mara baada ya mechi hiyo beki huyo wa Kagera Sugar, Juma Nyoso amejikuta akitiwa mbaroni na Polisi mjini Bukoba kwa madai ya kumtwanga shabiki ngumi mara baada ya mchezo wa ligi kuu Tanzania Bara uliomalizika kwa Kagera Sugar kupigwa 2-0 na Simba SC kwenye dimba la Kaitaba.

Kwa mujibu wa mashuhuda, baada ya mpira kumalizika wachezaji wa Kagera Sugar walikuwa wanakwenda katika vyumba vya kubadilishia nguo (dressing-room) ambapo inadaiwa kuwa baadhi ya mashabiki wanaoaminika kuwa ni wa Kagera Sugar wakawa wanawarushia maneno makali (matusi) wachezaji hao.