Mtaalamu huru wa UM kuzuru Korea Kaskazini

Mtaalamu maalum wa haki za binadamu wa Umoja wa Mataifa kwa Korea Kaskazini Tomás Ojea Quintana  atakuwa na ziara maalum ukanda wa Asia kukusanya taarifa kuhusu maendeleo katika masuala ya haki za binadamu.
Taarifa ya ofisi ya haki za binadamu ya Umoja wa Mataifa imesema ataanzia Korea Kaskazini tarehe 11 hadi 14 mwezi huu na badaye kuelekea Korea Kaskazini na hatimaye Japan kuanzia tarehe 15 hadi 16.
Ziara hiyo inafuatia kuzuka kwa hofu katika ukanda wa kaskazini-mashariki wa bara la Asia baada ya Korea Kaskazini ijulikanayo pia kama Jamhuri ya kidemokrasia ya watu wa Korea, DPRK, kufanya majaribio makombora ya masafa mrefu.
Tangu kuanzishwa kwa nafasi ya mtaalamu maalum wa Umoja wa Mataifa kwa DPRK mwaka 2004, nchi hiyo haijatoa kibali cha ziara ili mhusika aweze kufanya ziara kwenye taifa hilo.
Hata hivyo hivi karibuni DPRK imeruhusu mtaalamu huyo kuwa na mazungumzo nchini  humo na mashirika mengine ya Umoja wa Mataifa kuhusu masuala ya wanawake, watoto na watu wenye ulemavu.
Bwana Quintana atawasilisha ripoti yake mbele ya Baraza la Haki la Umoja wa Mataifa mwezi machi mwakani.

Watoto milioni 17 wanavuta hewa yenye sumu duniani:UNICEF

Takribani watoto milioni 17 wenye umri wa chini ya mwaka mmoja wanaishi katika maeneo ambayo hewa chafuzi ni mara sita zaidi ya kiwango cha juu cha kimataifa na kuwasababisha kuvuta hewa yenye sumu ambayo huweka maendeleo ya ubongo wao hatarini.
Hayo ni kwa mujibu wa taarifa ya shirika la Umoja wa mataifa la kuhudumia watoto UNICEF iliyotolewa leo, ikiongeza kuwa zaidi ya robo tatu ya watoto hao ambao ni jumla ya milioni 12 wanaishi katika nchi za Asia Kusini wakifuatiwa na Asia Mashariki na Pacific ambako kuna watoto milioni 4.3 wanaovuta hewa yenye sumu.
Taarifa hiyo iliyopewa kichwa "Hatari hewani:Jinsi gani hewa chafuzi inavyoweza kuathiri maendeleo ya ubongo wa watoto", imeanisha kwamba kuvuta baadhi ya hewa chafu kunaweza kuharibu mishipa ya ubongo na kuathiti uwezo wa maendeleo ya kutambua vitu.
Mkurugenzi mkuu wa UNICEF Athony Lake amesema hewa hiyo yenye sumu sio tuu inaathiri ukuaji wa mapafu ya mtoto bali inaweza kuzuru mojakwamoja ubongo wa mtoto na kuuweka njia panda mustakhbali wa maisha yake.
Hivyo amesisitiza kuwa kuwalinda watoto dhidi ya hewa yenye sumu kuna faida sio kwa mtoto tu bali kwa jamii nzima, hasa kwa kupunguza gharama za huduma za afya, kuongeza uzalishaji na kuwa na mazingira bora yenye hewa safi kwa wote.
Amezichagiza nchi kuchukua hatua muafaka sasa ili kuokoa maisha ya watoto hao na mustakhbali wao.

tazama picha za mchezaji ismail diara akiwa uwanjani, ambaye niyonzima anatamani atue simba hata kesho

NIYONZIMA ANAAMINI SIMBA IKIMPATA HUYU MTU ITAKUWA BALAA

Kiungo mchezeshaji wa Simba Mnyarwanda, Haruna Niyonzima amesema kati ya washambuliaji wanaotajwa kutua Simba, Ismaila Diara raia wa Mali ndiye anayestahili kuichezea timu hiyo

Diara anayeichezea Rayon Sports ni kati ya wachezaji wanaotajwa kutua Simba pamoja na Nahimana Shasir kutoka Rayon na Elias Maguli aliye na kikosi cha Kilimanjaro Stars kinachoshiriki Chalenji nchini Nairobi, Kenya.

Washambuliaji hao, wamepangwa kuongezwa kwenye usajili huu wa dirisha dogo lililofunguliwa Novemba 15, kabla ya kufungwa Desemba15, mwaka huu.

Niyonzima amesema anawafahamu uwezo wa wachezaji wote wa Rwanda, lakini anafurahishwa na uwezo wale wa kufunga mabao Diara.

Niyonzima alisema, sifa yake nyingine aliyokuwa nayo mshambuliaji huyo ni uzoefu, umbile kubwa na nguvu alizonazo za kupambana na mabeki wakorofi wa timu pinzani.

 “Kwanza nikwambie kitu kimoja, ligi kuu ya hapa nchini ni ngumu na ina ushindani mkubwa na changamoto nyingi, hivyo basi ni lazima umakini uwe mkubwa katika kusajili wachezaji.

“Mimi binafsi ninavutiwa na aina ya uchezaji wa mshambuliaji wa Rayon ambaye hivi sasa ndiye anayetegemewa katika timu yake kwa ajili ya kufunga mabao.

“Mshambuliaji huyo ndiyo kwanza kujiunga na timu msimu wake wa kwanza, lakini kama viongozi wakifanikisha usajili wake, basi tutakuwa tumelamba dume kwani ni mshambuliaji mwenye sifa zote tofauti na uzoefu wake wa mashindano ya kimataifa,”alisema Niyonzima.

Patashika ya michuano ya #CECAFA kuendelea kushika kasi kesho Alhamisi December 07..

 

Patashika ya michuano ya #CECAFA kuendelea kushika kasi kesho Alhamisi December 07..

Saa 8:00 mchana ni vita ya ndugu wawili Tanzania Bara "Kilimanajro Stars" dhidi ya 'Zanzibar Heroes', mechi hii itakuwa inakumbusha mechi ya kumtafuta mshindi wa tatu katika michuano ya CECAFA 2012, ambapo Zanzibar Heroes waliibuka washindi wa tatu baada ya kuibamiza Kilimanjaro Stars kwa mikwaju ya penati 5 - 6 baada ya dakika 90' kuisha kwa sare ya 1-1.
Je kesho nini kitatokea, majibu yatakuwa #AzamSports2 itakuletea Live mchezo huu

Wakati mpambano kati ya Ethiopia na Burundi,utakuwa Live #AzamONE saa 9:00 Alasiri

Baada ya Rwanda kuchezea kichapo katika mechi mbili za kwanza, atashuka tena dimbani kuumana na Libya, je atakubali kuchezea kichapo tena? #AzamSports2 itakupa kila kitu Saa 10:00 jioni.

update Rais Magufuli atuma salamu za rambirambi kufuatia kifo cha Joel Bendera

 Rais Magufuli ametuma salamu za rambirambi kwa familia na wote walioguswa na kifo cha aliyekuwa Mkuu wa Mkoa wa Manyara Dr Joel Nkaya Bendera kilichotokea jioni ya leo katika Hospitali ya Taifa ya Muhimbili alipokuwa anapatiwa matibabu.

Rais ameeleza kuwa amesema marehemu atakumbukwa kwa mchango wake mkubwa alioutoa kwa Taifa akiwa kiongozi katika nyadhifa mbalimbali zikiwemo Mkuu wa Mkoa wa Manyara, Naibu Waziri na Mbunge na pia kwa mchango wake mkubwa katika maendeleo ya michezo.

“Dkt. Joel Nkaya Bendera alikuwa kiongozi shupavu, mahiri na mchapakazi, alipenda kufanya kazi kwa ushirikiano na daima alitamani kupata mafanikio makubwa katika majukumu aliyokuwa nayo, hakika tutamkumbuka” – Rais John Magufuli

Mourinho aanza chokochoko dhidi ya Gurdiola

 Mwishoni mwa wiki hii dunia itasimama, mchezo mkubwa kabisa wa kufunga mwaka EPL utapigea kati ya majirani wawili Manchester United watakaokuwa nyumbani kuwakaribisha Manchester City.

Huu ni mchezo baina ya vilabu viwili vyenye nguvu ya pesa lakini pia ni mchezo kati ya makocha wawili ambao wanatajwa kuwa moja kati ya makocha bora sana duniani katika kizazi cha sasa.

Kama kawaida Jose Mourinho na Pep Gurdiola mara zote maneno hayakosekani, tayari Jose Mourinho ameanza maneno kwa kumshutumu kocha wa Manchester City Pep Gurdiola kwamba anadanganya kuhusu majeruhi.

Gurdiola alinukuliwa akisema kwamba David Silva ni majeruhi na anaweza kukosa mchezo wa Derby, jambo hilo limepokelewa tofauti na Mourinho kwani anaamini sio kweli na Pep anajua kwamba Silva atakuwepo.

Mourinho amedai kwamba yeye kwa upande wake hawezi kusema uongo hata siku moja kuhusu majeruhi, na majeruhi wote ambao Mourinho alisema awali hawatakuwepo katika kikosi hicho hawatakuwepo kweli.

United wanakutana na City ambao msimu huu wanaonekana kuwa tishia kubwa si tu nchini Uingereza bali barani Ulaya kwa ujumla, kama City atashinda mchezo huu atazidi ongeza pengo la alama kati yake na United na United wanahitaji kushinda ili kupunguza pengo.

Straika wa Yanga aruhusiwa na kocha Lwandamina kuondoka

 Kocha mkuu wa Yanga, Mzambia, George Lwandamina amemruhusu straika wake, Matheo Anthony kuondoka klabuni hapo ili akatazame maisha sehemu nyingine baada ya kuona hatakuwa na nafasi ya kumtumia tena msimu ujao.

Matheo ambaye alijiunga na Yanga misimu mitatu nyuma akitokea KMKM ya Zanzibar hana nafasi yake ya kucheza kwenye kikosi cha timu hiyo kutokana na wingi wa washambuliaji.

Kwa sasa kuna uwezekano mshambuliaji huyo akatimkia Lipuli FC ya Iringa kutokana na klabu hiyo kuonyesha nia ya kumhitaji.

Chanzo makini kimesema kuwa ombi la Matheo limekubaliwa hivyo msimu huu hatokuwepo tena Yanga hadi pale mambo yatakapomnyokea huko aendako endapo atafanya vizuri kiasi cha kumshawishi tena kocha kumrudisha kikosini hapo.

“Lwandamina amemruhusu Matheo kuondoka na wenzake wengine watano ambao ni  Yusuf Mhilu, Baruan Akilimali, Juma Mahadhi, Maka Edward na Saidi Makapu, kocha kaona awaruhusu wote ili aweze kuangalia safu nyingine itakayokuwa na uwezo wa kutumika tofauti na ilivyosasa ambapo wengine wanaonekana kushindwa kumudu kasi yake,” kilisema chanzo hicho.  

Rais Magufuli afanya uteuzi kwa watu 6 leo

 Rais wa Jamhuri ya Muungano wa Tanzania Dkt. John Pombe Magufuli leo Jumatano Disemba 6 amefanya uteuzi wa Wenyeviti 6 wa bodi za taasisi za Serikali baada ya waliokuwepo kumaliza muda wao.

Taarifa ya Ikulu iliyotolewa jioni ya leo imeeleza kuwa Rais Magufuli amemteua Bi. Monica Ngezi Mbega kuwa Mwenyekiti wa Bodi ya Mazao Mchanganyiko kuanzia Novemba 30, 2017.

Wengine walioteuliwa ni kama wanavyoonekana kwenye taarifa hiyo hapo chini ambayo ina majina yao pamoja na bodi wanazokwenda kuzitumikia.

 

Tanzia: Aliyewahi kuwa mkuu wa mkoa wa Manyara Joel Bendera afariki dunia

 Dar es Salaam. Mkuu wa Mkoa wa Manyara mstaafu, Joel Bendera amefariki dunia katika Hospitali ya Taifa Muhimbili (MNH).

Akizungumza na MCL Digital leo Jumatano Desemba 6,2017 msemaji wa MNH, Aminiel Aligaesha amesema, “Ni kweli Joel Bendera amefariki. Aliletwa leo na gari la wagonjwa saa 6:30 mchana na ilipofika saa 10:24 jioni alifariki.”

Aligaesha amesema Bendera alipokewa hospitalini hapo akitokea Bagamoyo mkoani Pwani.

Kuhusu chanzo cha kifo chake Aligaesha amesema, ‘’Hilo sasa ni suala la familia lakini kwa wakati huu itoshe kusema amefariki.”

Bendera pia amewahi kuwa Mkuu wa Mkoa wa Morogoro.

Mbali ya ukuu wa mkoa, amewahi kuwa mbunge wa Korogwe Mjini na Naibu Waziri wa Habari, Utamaduni na Michezo katika utawala uliopita wa Rais mstaafu, Jakaya Kikwete.

Katika mabadiliko ya wakuu wa mikoa yaliyofanywa na Rais John Magufuli Oktoba 26,2017, Bendera alikuwa miongoni mwa waliostaafu.

Nafasi yake imechukuliwa na Alexander Mnyeti aliyepandishwa kuwa Mkuu wa Mkoa wa Manyara akitokea kuwa Mkuu wa Wilaya ya Arumeru.

Mama Mzazi wa Diamond: "Nimeolewa na Diamond asubiri mdogo Wake"

 Mama yake na Diamond Platnumz, Bi Sanura, amethibitisha kuwa ameolewa. Kwenye mahojiano na Dizzim Online ambayo alionesha pete yake ya ndoa, Mama Dangote ameyapuuza maneno ya watu kuwa ameolewa na kijana mdogo.

“Ana udogo gani? Hana udogo yule, angekuwa mdogo asingeoa, mkubwa,” alisema. Alipoulizwa kama ana mpango wa kupata mtoto mwingine, mama huyo alisema, “Naseeb atapata mdogo wake siku yoyote, nyie hamtaki mdogo? Basi subirieni mdogo wenu wa mwisho.”

UEFAChampionsLeague: PSG waangamizwa Ujerumani, Man United yafanya kweli

Jana usiku kulikuwa na michezo ya klabu bingwa barani Ulaya ambapo Matajiri wa Ufaransa klabu ya Paris Saint Germain ilikubali kichapo cha goli 3-1 dhidi ya mabingwa wa Ujerumani, Bayern Munich.


Magoli ya Bayern Munich yamefungwa na Robert Lewandowski, na magoli mawili ya Corentin Tolisso huku goli la kufutia machozi la PSG likifungwa na Kylian Mbappe.
Matokeo mengine ni wababe wa Uingereza Manchester United wameibuka na ushindi wa goli 2-1 dhidi ya klabu ya CSKA Moscow.
Kwa matokeo hayo Klabu ya PSG, Bayern Munich, Manchester United, FC Basel, FC Barcelona, Juventus, Roma, Chelsea, tayari zimeshafuzu kuingia kwenye hatua ya 16 bora ya michuano hiyo.
Tazama matokeo mengine ya jana usiku:





 

Mzawa wa Zanzibar ashinda tuzo ya Tuner Prize Uingereza

 Profesa Lubaina Himid ni mzaliwa wa Zanzibar ambaye ni mtanzania ametangazwa kuwa mshindi wa 'Turner Prize 2017'katika tuzo kubwa za Sanaa nchini Uingereza.

Majaji wamempa Tuzo kwa maonesho matatu yaliyofanyika Oxford, Bristol na Nottingham ambapo waliisifu kazi yake ambayo inaangazia Afrika duniani kote pamoja na ubunifu wa mtu mweusi jambo ambalo wameliita namna nzuri ya ubunifu.

Profesa Himid ambaye ni mwanamke wa kwanza mweusi na mtu mwenye umri mkubwa zaidi kuwahi kutwaa Tuzo hiyo amesema atatumia tuzo ya fedha ya dola elfu thelathini na tatu ($33,000) alizozipata kuwasaidia wasanii wachanga kuweza kuonesha kazi zao.