KOCHA SIMBA AKUBALI HAWAKUCHEZA VIZURI SPORTPESA SUPER CUP, SASA WALICHOPANGA NI HIKI

Kikosi cha Simba kimeapa kubadilika katika mechi yake ijayo ya michuano ya Kombe la SportPesa Super Cup.

Kocha Msaidizi wa Simba, Masoud Djuma amesema wanaamini hawakucheza katika mechi yao iliyopita ya michuano hiyo mjini Nakuru.

"Tulicheza vibaya, kila mmoja wetu ameliona hilo. Hatuwezi kurejea tena kwa akili hiyo. Wachezaji wote wameona tunahitaji kubadilika kwenye mechi ya mwisho," alisema Djuma.

Simba imevuka hadi nusu fainali kwa kuichapa Kariobang Sharks kwa mabao 3-2 ya mikwaju ya penalti lakini ilishindwa kuonyesha soka safi katika dakika 90.