Simba yarejea Mbeya kuisubiri Prisons

Baada ya ziara yake katika mikoa ya Katavi na Rukwa, kikosi cha kikosi cha klabu ya Simba ambao ni vinara wa VPL, kinarejea leo jijini Mbeya kuendelea na kambi ya maandalizi ya mchezo wake dhidi ya Prisons.

Simba ilicheza mechi ya kirafiki siku ya Jumanne dhidi ya timu ya Nyundo FC ya mkoani Katavi ambapo timu hizo ziLitoka sare ya bila kufungana. Mchezo huo ulipigwa kwenye dimba la Azimio mkoani humo.

Baada ya mchezo huo Simba ilisafiri hadi mkoani Rukwa ambapo jana jioni ilishuka dimbani kucheza mechi ya kirafiki na timu ya Rukwa Stars. Katika mchezo huo Simba ilishinda mabao 3-1.

Taarifa iliyotolewa na klabu hiyo leo inaeleza kuwa kikosi hicho kinarejea jijini Mbeya kwaajili ya kuendelea na kambi ya maandalizi ya mchezo wake wa ligi kuu raundi ya 11 dhidi ya Tanzania Prisons utakaopigwa Novemba 19.