Watu 50 wamefariki nchini DR Congo leo

Leo May 25, 2018 Watu 50 nchini DR Congo wamefariki baada ya boti kuzama kwenye mto kaskazini mwa nchi hiyo.
Taarifa ya shirika la Habari la BBC, inaeleza kuwa Richard Mboyo Iluka, Naibu Gavana wa jimbo la Tshuapa amesema kuwa boti hilo ilikuwa imewabeba abiria wengi, wengi wao wafanyabiashara waliokuwa wanasafiri kutoka eneo la Monkoto kwenda Mbandaka.
Amesema watu wengine 50 wamenusurika. Gavana huyu amesema hadi sasa hawajafahamu chanzo cha ajali hiyo.
Kwa sasa maafisa wakuu wa jimbo hilo wamesafiri kwenda eneo la ajali kufahamu zaidi kuhusu idadi rasmi ya waliofariki na watu ambao walikuwa ndani ya boti hilo.