J Munyama ametimiza ndoto ya Okwi wa Bukoba akabidhiwa uzi wa mnyama simba

 

Soka la Tanzania linazidi kukuwa na kujenga mapenzi kwa watu mbalimbali wazidi kuupenda mchezo huo hususani watoto, tumeona kwa sasa haishangazi kuona watoto wamechora t-shirt zao majina ya wachezaji bongo wanaowapenda tofauti na zamani walikuwa wakiandika majina ya wachezaji wa nje.

Ilianzia Dodoma pale ambapo alipatika mtoto aliyejulikana kwa jina la Ajib wa Dodoma kuandika tshirt yake kwa peni jina la Ajib na namba lakini wakati huu ni wakati wa Okwi wa Bukoba ambaye leo amekabidhiwa jezi za shujaa wake Emmanuel Okwi.

Leo mtoto Shabani Okwi ambaye ni shabiki wa mchezaji wa Simba Emmanuel Okwi ambaye picha zake zilisambaa akihojiwa na Azam TV akiwa ameandika jina la Okwi kwenye nguo yake, amekabidhiwa jezi ya shujaa wake Okwi na  kiongozi wa Makundi ya Simba mtandaoni Jose Munyama.